Երևանում ուժգին քամուց ծառը կոտրվել և ընկել է մեքենայի վրա

Փետրվարի 18-ին, ժամը 19:13-ին «911» ծառայությանը տեղեկություն է հաղորդվել, որ Երևան քաղաքի Առնո Բաբաջանյան փողոցի թիվ 138 շենքի բակում ծառը քամուց կոտրվել և ընկել է ավտոմեքենայի վրա, տուժածներ չկան. անհրաժեշտ է օգնություն: Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Պարզվել է, որ ծառը կոտրվել է և ընկել «Nissan Teana» մակնիշի (վարորդ՝ Ս. Մ., ծնված 1976 թ.) ավտոմեքենայի վրա, ինչի հետևանքով վնասվել են ավտոմեքենայի կտուրը և ետնապակին: Փրկարարները ծառը հեռացրել են ավտոմեքենայի վրայից: