![Երևանում ուժգին քամուց ծառը կոտրվել և ընկել է մեքենայի վրա](https://auroranews.am/storage/img/base_image/old/7936f5586b240b2ce92ad69a401aaaea.webp)
Երևանում ուժգին քամուց ծառը կոտրվել և ընկել է մեքենայի վրա
![Երևանում ուժգին քամուց ծառը կոտրվել և ընկել է մեքենայի վրա](https://auroranews.am/storage/img/base_image/old/7936f5586b240b2ce92ad69a401aaaea.webp)
Փետրվարի 18-ին, ժամը 19:13-ին «911» ծառայությանը տեղեկություն է հաղորդվել, որ Երևան քաղաքի Առնո Բաբաջանյան փողոցի թիվ 138 շենքի բակում ծառը քամուց կոտրվել և ընկել է ավտոմեքենայի վրա, տուժածներ չկան. անհրաժեշտ է օգնություն:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ ծառը կոտրվել է և ընկել «Nissan Teana» մակնիշի (վարորդ՝ Ս. Մ., ծնված 1976 թ.) ավտոմեքենայի վրա, ինչի հետևանքով վնասվել են ավտոմեքենայի կտուրը և ետնապակին:
Փրկարարները ծառը հեռացրել են ավտոմեքենայի վրայից: