Գարեգին Երկրորդ կաթողիկոսը ընդունել է «Լուսավոր Հայաստան» կուսակցության անդամներին

Այսօր Գարեգին Երկրորդ Կաթողիկոսը Մայր Աթոռ Սուրբ Էջմիածնում ընդունեց «Լուսավոր Հայաստան» կուսակցության խորհրդարանական խմբակցության անդամներին: Այս մասին հայտնում են Մայր Աթոռի տեղեկատվական համակարգից։ Հանդիպմանը կուսակցության առաջնորդ Էդմոն Մարուքյանը այս առաքելության համար կարևորեց Հայոց Հայրապետի օրհնությունը` ընդգծելով, որ խմբակցության գործունեության մեջ նաև կարևոր տեղ պետք է հատկացվի ինչպես Հայաստանում, այնպես և նրա սահմաններից դուրս գտնվող հարուստ քրիստոնեական ժառանգության պահպանության խնդիրներին: