Առեղծվածային դեպք Սյունիքի մարզում. Ներքին Հանդի դիրքերում հայտնաբերվել են «Lexus» ու վարորդի մարմինը

Սյունիքի մարզում առեղծվածային դեպք է տեղի ունեցել։ 

Ա յսօր՝ հուլիսի 23-ին, առեղծվածային դեպք է տեղի ունեցել Սյունիքի մարզում։ Ժամը 11։00-ի սահմաններում ՀՀ ներքին գործերի նախարարության ոստիկանության համայնքային ոստիկանության գլխավոր վարչության Կապանի բաժնում օպերատիվ տեղեկություններ են ստացվել, որ Ներքին Հանդի դիրքերում ավտոմեքենա է գլորվել ձորը:

Ներքին Հանդի դիրքերում ճանապարհից մոտ 80 մետր խորությամբ ձորում հայտնաբերվել է «Lexus» մակնիշի ավտոմեքենա և տղամարդու մարմին։

Ինչպես հայտնում է ֆոտոլրագրող Գագիկ Շամշյանը, մահացածը Երկրապահ կամավորականների միության անդամ է, Արցախյան պատերազմների մասնակից Համլետ անունով քաղաքացի։

Դեպքի առթիվ փաստաթղթեր են կազմվել, որոնք փոխանցվել են ՀՀ Քննչական կոմիտեի Զինվորական քննչական գլխավոր վարչության Սյունիքի կայազորի քննչական վարչություն, որտեղ պարզվում են ավտոմեքենայի սեփականատիրոջ և մահացածի ամբողջական ինքնությունը, ինչպես նաև դեպքի հանգամանքները։