Արմեն Գևորգյանին կկալանավորե՞ն․ Դատարանը որոշում է
Դատարանն այսօր քննում է նախկին փոխվարչապետ, նախագահի աշխատակազմի նախկին ղեկավար Արմեն Գևորգյանին կալանավորելու վերաբերյալ միջնորդությունը: Այս մասին Tert.am-ի հետ զրույցում հայտնեցին Հատուկ քննչական ծառայությունից:
Լրացուցիչ տեղեկություններ կհաղորդվեն առաջիկայում:
Գևորգյանին, որը 2008-ի մարտի 1-ին եղել է Ազգային անվտանգության խորհրդի քարտուղար, դեռևս օգոստոսին մեղադրանք էր առաջադրվել «ՀՀ Քրեական օրենսգրքի»՝ արդարադատության իրականացմանը խոչընդոտելու համար քրեական պատասխանատվություն նախատեսող 332 հոդվածի 3-րդ մասով:
Վերջին տվյալներով՝ նախկին փոխվարչապետ, նախագահի աշխատակազմի նախկին ղեկավար Արմեն Գևորգյանին կալանքի քննության հարցով նիստը հետաձգվել է, այն կշարունակվի վաղը՝ 10:30:
Հիշեցնենք, որ ՀՔԾ պետ Սասուն Խաչատրյանը նախկինում հայտնել էր, որ Արմեն Գևորգյանը Սահմանադրական դատարանի անդամի վրա ճնշում է գործադրել 2008 թվականի նախագահական ընտրությունների բողոքարկման հարցով որոշում կայացնելու համար։
