Հայաստանում ԱՄՆ դեսպանատունը կոչ է արել ամերիկացիներին զգոն լինել տոների ընթացքում Հայաստան այցելելիս: «Տոների շրջանում Հայաստանում ԱՄՆ դեսպանությունը հիշեցնում է ամերիկացի քաղաքացիներին զգոն լինելու անհրաժեշտության մասին: Այս ժամանակահատվածում կարող է աճել թալանի, գրպանահատության, բնակարանային գողության թիվը», - ասված է դեսպանության կայքում տեղադրված հայտարարության մեջ: Դեսպանատունը զգուշացնում է, որ ահաբեկչական կազմակերպությունների եւ ծայրահեղական գաղափարախոսության տեր անհատների կողմից մշտական սպառնալիքներ կան: «Ծայրահեղականները շարունակում են կենտրոնանալ զբոսաշրջային վայրերի վրա, ինչպիսիք են առեւտրի կենտրոնները, օդանավակայանները, ակումբները, ռեստորանները»: Ի պատասխան այս հայարարության ՀՀ ոստիկանության հասարակայնության հետ կապերի եւ լրատվության վարչության պետ Աշոտ Ահարոնյանը հավաստիացրել է, որ Հայաստանում քրեական իրավիճակը վերահսկվում է, եւ երկիրը ապահով է զբոսաշրջիկների համար: