Ինչպես արդեն հայտնել էինք՝ ՀՀ 3-րդ նախագահ Սերժ Սարգսյանի եղբորորդու՝ Հայկ Սարգսյանի գործով հերթական դատական նիստին առաջին անգամ դատարան էր ներկայացել Հայկ Սարգսյանի դեմ ցուցմունք տված «Կենրոնի Կյաժ» մականունով հայտնի Դավիթ Սիմոնյանը: Նրան ուղեկցում էին ոստիկանության 6-րդ վարչության աշխատակիցները։ News.am-ի հաղորդմամբ՝ նախագահող դատավոր Աննա Դանիբեկյանը ոստիկանության աշխատակիցներից հետաքրքրվեց, թե ինչու՞ են նրանք ուղեկցում տուժողին, ինչին ի պատասխան՝ ոստիկաններից մեկն ասաց՝ Դավիթի անվտանգության համար: Դատարանի որոշմամբ՝ ոստիկանները տեղափոխվեցին ապակիների այն կողմում գտնվող՝ ներկաների համար նախատեսված հատված: Լրատվամիջոցը գրում է, որ այսօրվա դատական նիստի ընթացքին հետևում է նաև ՀԱՊԿ նախկին գլխավոր քարտուղար Յուրի Խաչատուրովի որդին՝ Իգոր Խաչատուրովը: