Ոչ ոքի կլասիկ ցավը մի՛ տար․ Դիանա Գասպարյան

Էջմիածնի քաղաքապետ Դիանա Գասպարյանը գրառում է կատարել ֆեյսբուքում՝ կոչ անելով տարբերվել մյուսներից եւ չչարախնդալ ՀՀԿ-ի՝ ԱԺ-ում չհայտնվելու համար։ «Եղի՛ր տարբերվող. ✔️մի՛ վառիր կամ թաղիր ՀՀԿ-ին, ✔️ մի՛ ցնծա ՀՀԿ-ի՝ Ազգային ժողովում չհայտնվելուց, ✔️ մի՛ ծաղրիր Մենուային ու Աշոտյանին, ✔️ առավել եւս, մի՛ անդրադարձիր Մենուայի ձիուն, ✔️մի՛ չարախնդա ՀՀԿ-ի տապալման համար. ոչ մի իշխանություն հավերժ չէ, եւ վաղն ուրիշները հրճվելու են իմ ու քո ձախողմամբ, ✔️ոչ ոքի կլասիկ ցավը մի՛ տար, ✔️մի՛ արա այն, ինչ անում է մեծամասնությունը. մնա՛ անհատականություն: ✅ Եղի՛ր ավելի բարի: ✅Եղի՛ր ավելի հանդուրժող: ✅Մնա՛ ադեկվատ: ✅Գնա՛ գործ արա»: