Մեկնարկել է Ռոբերտ Քոչարյանի աջակիցների բողոքի ակցիան

Հանրապետության հրապարակում մեկնարկել է ՀՀ երկրորդ նախագահ Ռոբերտ Քոչարյանի աջակիցների բողոքի ակցիան։ Վերջիններս Քոչարյանին ազատ արձակելու պահանջով որոշեցին շարժվել ՀՀ Գլխավոր դատախազություն։ ՀՀ երկրորդ նախագահ Ռոբերտ Քոչարյանի ազատությունը պահանջող նախաձեռնող խմբի ղեկավար Արմեն Մինասյանն էլ հայտարարեց, որ այսօրվանից սկսվում է երկարատև պայքարի փուլ։ «Սկսում ենք պայքար, պայքարը երկարատև է լինելու, իսկ հաղթական վերջակետն այն է լինելու, որ հարգվի ՀՀ սահմանադրությունը, ինչպես նաև դրանից բխող օրենքներն ու միջազգային օրենքները։ Մարդու պատվին ու արժանապատվությանը հասցվող վնասը պետք է տեղ չունենա Հայաստանում։ Նշանակվել է մեղավոր և հայտարարվել, որ այդ մեղավորները նշանակված են ԶԼՄ-ներից՝ չհիշելով, որ մեղավոր ճանաչելու մեկ իրավասու մարմին կա՝ դատարան, ավելի ճիշտ կար, քանի որ չկա այլևս դատարան»,- նշեց նա։