Գեներալ Մանվելին 20 մլն դրամ գրավով ազատելու միջնորդություն է ներկայացվել

Գեներալ, նախկին պատգամավոր Մանվել Գրիգորյանի փաստաբան Արսեն Մկրտչյանը այսօրվա նիստից հետո լրագրողների հետ զրույցում հայտնել է, որ Գրիգորյանին 20 մլն դրամ գրավով ազատ արձակելու միջնորդություն է ներկայացրել դատարանին։ «Սա իրատեսական չափ է և հնարավոր է այլ խողովակներով այդ գումարը գտնել ու մուծել», - ասել է փաստաբանը։ Հիշեցնենք, որ այսօր կայացած նիստի ժամանակ Մանվել Գրիգորյան առողջական վիճակը սրվել է, և շտապօգնության կանչի անհրաժեշտություն է եղել։ Համապատասխան բուժօգնություն ցուցաբերելուց հետո նա կարողացել է մասնակցել նիստին և նույնիսկ հանդես եկել ելույթով։ Մանվել Գրիգորյանը նշել է, որ թեև ինքն իրեն մեղավոր չի ճանաչում, բայց պատրաստ է իր վրա վերցնել նաև հարազատներին, մերձավորներին մեղսագրվող արարքների համար նախատեսվող պատասխանատվությունը։