Բաղրամյան պողոտայի 1-ին փակուղին Ռաֆայել Լեմկինի անվամբ կոչվեց
Երևանի Մարշալ Բաղրամյան պողոտայի 1-ին փակուղին անվանակոչվեց իրավագետ, «ցեղասպանություն» եզրույթի հեղինակ Ռաֆայել Լեմկինի անվամբ: Այս մասին փողոցի անվանակոչման հանդիսավոր արարողությանը հայտնել է Երևանի քաղաքապետի տեղակալ Սերգեյ Հարությունյանը։
«Մի քանի տարբերակ է քննարկվել և ընտրվել է հենց այս փողոցը: Կարծում եմ շատ ճիշտ փողոց է ընտրվել մեծանուն Լեմկինի անվամբ վերանվանելու համար»,- ասաց նա:
ՄԱԿ-ի գլխավոր քարտուղարի ցեղասպանության հարցերով հատուկ խորհրդական Ադամա Դիենգի խոսքով՝ Ռաֆայել Լեմկինը տեսել և զգացել է ցեղասպանությունը և մշակել եզրույթը:
