Ադրբեջանում ընթանում է Կարեն Ղազարյանի գործով նիստը

Ադրբեջանի Գյանջա (Գանձակ) քաղաքում սկսվել է Հայաստանի գերեվարված քաղաքացի, Տավուշի մարզի սահմանամերձ Բերդավան գյուղի բնակիչ Կարեն Ղազարյանի գործով դատական նիստը: Ըստ ադրբեջանական կողմի՝ Ղազարյանը մեղադրվում է Ադրբեջանի քրեական օրենսգրքի մի շարք հոդվածներով։ Դատական նիստում լսվել է վկաների ցուցմունքները: Այնուհետեւ Կարեն Ղազարյանը պատասխանել է իրեն ուղղված հարցերին։ Հիշեցնենք, որ Կարեն Ղազարյանը գերևարվել էր այս տարվա հուլիսի 15-ին։ Ադրբեջանի պաշտպանության նախարարությունը տեղի ունեցածը ներկայացրել էր որպես ՀՀ Զինված ուժերի կողմից դիվերսիոն հարձակման փորձ, ինչի հետևանքով էլ իբրև Ղազարյանը գերի էր ընկել։ Ավելի ուշ, սակայն, հայկական կողմը հերքել էր այդ տեղեկությունը, նշելով, որ Կարեն Ղազարյանն առհասարակ Զինված ուժերում չի ծառայել։