ԱԹՍ-ների հարձակումից հետո Մոսկվայի մարզում այրվում է լոգիստիկ ընկերության պահեստը

Մոսկվայի մարզի Կոլեդինո բնակավայրում ուկրաինական անօդաչու թռչող սարքերի գիշերային հարձակումից հետո հրդեհ է բռնկվել 3PL լոգիստիկ ընկերության պահեստում։ Այդ մասին հայտնում է Astra-ն։

Ըստ աղբյուրի՝ պահեստը գտնվում է «Կոլեդինո» արդյունաբերական պարկի տարածքում։ Ընկերության պաշտոնական կայքի համաձայն՝ այն մատուցում է պահեստավորման և լոգիստիկ ծառայություններ։

Միաժամանակ ուկրաինական մոնիթորինգային ալիքները պնդում են, թե հարձակման թիրախում է հայտնվել նաև նույն արդյունաբերական պարկում գտնվող Wildberries-ի պահեստը, որտեղ նույնպես հրդեհ է բռնկվել։

Սակայն Wildberries-ի մամուլի ծառայությունը հերքել է այդ տեղեկությունը՝ նշելով, որ ընկերության պահեստը շարունակում է աշխատել բնականոն ռեժիմով։ Նրանց տվյալներով՝ Wildberries-ի պահեստը գտնվում է 3PL-ի պահեստի դիմաց։