ԵՄ-ն վերացնում է ԱՄՆ-ից ներմուծվող արդյունաբերական ապրանքների մաքսատուրքերը

Եվրոպական միությունն այսօրվանից չեղարկում է Ամերիկայի Միացյալ Նահանգներից արդյունաբերական ապրանքների ներկրման համար սահմանված մաքսատուրքերը։

Եվրոպական հանձնաժողովի նախագահ Ուրսուլա ֆոն դեր Լայենը X-ի իր էջում կատարած գրառմամբ տեղեկացրել է, որ այսօր ԵՄ-ն վերացնում է ԱՄՆ-ից արդյունաբերական ապրանքների ներմուծման մաքսատուրքերը:

«Այսօր ԵՄ-ն վերացնում է ԱՄՆ-ից արդյունաբերական ապրանքների ներմուծման մաքսատուրքերը։ Սա լավ նորություն է անդրատլանտյան առևտրի համար։ Ավելի մեծ կանխատեսելիություն։ Ավելի մեծ ընտրություն։ Ավելի լավ գներ ԵՄ բիզնեսի և սպառողների համար։ Սա պարտավորություն է, որը կատարվել է ԵՄ-ԱՄՆ համատեղ հայտարարության շրջանակներում։ Եվ հիշեցում, որ անդրատլանտյան հարաբերությունները մնում են ամենաարժեքավորն աշխարհում։ Շարունակենք կառուցել դրա հիման վրա»,- գրել է Լայենը: