Լիոնել Մեսսին չի ընդգրկվի Արգենտինայի հավաքականի մեկնարկային կազմում

Արգենտինայի ընտրանու գլխավոր մարզիչ Լիոնել Սկալոնին հայտնել է, որ թիմի առաջատար Լիոնել Մեսսին ԱԱ-2026-ի խմբային փուլի վերջին՝ Հորդանանի դեմ խաղը չի սկսի առաջին րոպեներից։

Արգենտինայի հավաքականը վստահ հաղթանակներ է տոնել առաջին երկու մրցավեճերում՝ արդեն իսկ ապահովելով իր տեղը առաջնության փլեյ-օֆֆ փուլում։ «Մեսսին վաղվա խաղը կսկսի պահեստայինների նստարանից»,- նշել է Սկալոնին լրագրողների հետ հանդիպման ժամանակ։ 

Հորդանանի ընտրանու հետ մրցապայքարը նախատեսված է հունիսի 28-ին. հանդիպումը կմեկնարկի Երևանի ժամանակով ժամը 06:00-ին։ Հարկ է նշել, որ ԱԱ-2026-ի երկու մրցախաղերում Լիոնել Մեսսին արդեն հասցրել է դառնալ 5 գոլի հեղինակ և շարունակում է միանձնյա գլխավորել լավագույն ռմբարկուների ցուցակը։ Բացի այդ, հունիսի 24-ին «Ինտեր Մայամիի» հարձակվողը տոնել է իր 39-ամյակը։