«Նոան» պորտուգալացի դարպասապահ Դանիել Ֆիգեյրայի տրանսֆերի մասին է հայտարարել

Երևանի «Նոա» ֆուտբոլային ակումբի կազմը համալրել է պորտուգալացի 27-ամյա դարպասապահ Դանիել Ֆիգեյրան այդ մասին հայտնում է ArmSport.am-ը:

Ինչպես տեղեկացնում է հայկական ակումբի մամուլի ծառայությունը, 27-ամյա դարպասապահի վերջին թիմը եղել է Պորտուգալիայի բարձրագույն լիգան ներկայացնող «Ժիլ Վիսենտեն», որտեղից նա տրանսֆերային համաձայնագրով է տեղափոխվել «Նոա»։ 

Իր պրոֆեսիոնալ կարիերայի ընթացքում Ֆիգեյրան հանդես է եկել նաև պորտուգալական «Վիտորիա Գիմարայեշ», «Լեյշոեշ» և «Էստորիլ» ակումբներում։ Երևանյան թիմի կազմում պորտուգալացի դարպասապահը հանդես կգա 99 համարի խաղաշապիկով։