Արեգակի վրա գրանցվել է վերջին երկուսուկես շաբաթվա ամենաուժեղ բռնկումը

Այսօր առավոտյան Արեգակի վրա տեղի է ունեցել վերջին երկուսուկես շաբաթվա ընթացքում ամենաուժեղ բռնկումը։ Այս մասին հայտնում է Ռուսաստանի գիտությունների ակադեմիայի տիեզերական հետազոտությունների ինստիտուտի Արևային աստղագիտության լաբորատորիան:

Մասնագետների տվյալներով՝ М2.6 բալ ուժգնությամբ բռնկումը գրանցվել է Մոսկվայի ժամանակով ժամը 05:46-ին: Դրան նախորդել էին ևս երկու ակտիվ բռնկումներ, որոնք ունեցել են համապատասխանաբար M1.0 և M1.3 բալ ուժգնություն:

Լաբորատորիան հիշեցնում է, որ սրանից ավելի հզոր բռնկում վերջին անգամ ֆիքսվել էր հունիսի 3-ին, որը գնահատվել էր որպես X1 բալային իրադարձություն և համարվում էր ամենաուժեղը վերջին մեկուկես ամսվա կտրվածքով։