14:00 Լուրերը մեկ տողով. «Օրեշնիկի» զանգվածային գրոհ. ինչ է սպասվում Ծառուկյանի առանձնատանը

Անցած ժամվա լուրերը՝ հակիրճ և բովանդակային.

•Ռուսական զորքերը զանգվածային հարվածներ են հասցրել Ուկրաինայի ռազմական օբյեկտներին և ավիաբազաներին՝ կիրառելով «Օրեշնիկ», «Կինժալ» և «Ցիրկոն» հրթիռներ:

•Ուկրաինայում օդային տագնապի ֆոնին Լեհաստանի և ՆԱՏՕ-ի ռազմական ավիացիան բարձրացվել է օդ և իրականացրել գիշերային հերթապահություն:

•Իրանի և ԱՄՆ-ի միջև սպասվող նախնական համաձայնագիրը, ըստ լրատվամիջոցների աղբյուրների, կարող է ստանալ «Իսլամաբադի հռչակագիր» անվանումը:

•Արման Թաթոյանը հայտարարել է, որ ընտրություններում հաղթելու դեպքում հաշվարկելու և արդարացիորեն վարձատրելու են գյուղերում հող մշակողների աշխատանքային ստաժը:

•Սամվել Կարապետյանը Կոտայքի մարզում հայտնել է, որ իրենց նպատակը ժողովրդին հարստացնելն է, և մարդիկ արդեն ոչ մեկից չեն վախենում:

•Նիկոլ Փաշինյանը հայտարարել է, որ մինչև 2031 թվականը Գագիկ Ծառուկյանի առանձնատունը պետք է դառնա ծերերի խնամքի կենտրոն:

•Հայաստանի կառավարությունն առաջիկայում սեփական միջոցներով սկսելու է Գյումրի-Ախուրիկ-Աքյաքա և Երասխի հանգույցի երկաթուղիների նորոգումը: