Թուրքիայից հերթական ազդակն են հղել Հայաստանի հետ երկխոսության վերաբերյալ

Թուրքիայի իշխանությունները պատրաստ են Հայաստանի հետ հարաբերությունների կարգավորմանը, եթե դրա համար ստեղծվեն անհրաժեշտ պայմաններ։ Այդ մասին հայտարարել է Թուրքիայի արտգործնախարար Հաքան Ֆիդանը Türkiye թերթին՝ ամփոփելով հունիսի 16-17-ը Ռուսաստան կատարած այցը։

«Նիկոլ Փաշինյանի կառավարությունը շատ կարևոր քայլեր է ձեռնարկել [հարաբերությունների կարգավորման հարցում]։ Մեր նախագահ Թայիփ Էրդողանի կամքով նույնպես իրականացվել են մի շարք կարևոր քայլեր, այդ թվում՝ ուղիղ առևտրի և ավիահաղորդակցության հաստատման ուղղությամբ։ Նոր փուլում ինչ պետք է արվի, նույնպես հստակ է։ Մենք պատրաստ ենք կարգավորմանը, երբ դրա համար անհրաժեշտ պայմաններ ստեղծվեն», - նշել է Ֆիդանը։