Ուկրաինան հարվածել է. Մոսկվայի խոշոր նավթավերամշակման գործարանը չի գործում

Ուկրաինական հարվածից հետո Մոսկվայի խոշոր նավթավերամշակման գործարանը դադարեցրել է աշխատանքը:

Reuters-ի հաղորդմամբ՝ Մոսկվայի Կապոտնյա շրջանում գտնվող «Գազպրոմ նեֆտ»-ի նավթավերամշակման գործարանը դադարեցրել է նավթի վերամշակումը անօդաչու թռչող սարքի հարվածից հետո։

Ըստ աղբյուրի՝ վնասվել է գործարանի հիմնական տեխնոլոգիական կայանքներից մեկը, որն ապահովում էր արտադրական հզորությունների զգալի մասը։

Թեև հրդեհից հետո պաշտոնապես հայտարարվել էր, որ գործարանի աշխատանքը չի խաթարվել, այժմ այն փաստացի կանգնած է։

Մոսկվայի նավթավերամշակման գործարանը մայրաքաղաքի վառելիքային պահանջարկի շուրջ 40%-ն է ապահովում, ինչպես նաև տարածաշրջանում սպառվող բենզինի և ավիացիոն կերոսինի զգալի մասը։