Ամերիկացիներն իրենք կգնան դրանց հետևից. Թրամփ

ԱՄՆ նախագահ Դոնալդ Թրամփը հայտարարել է, որ եթե Իրանը չփոխանցի հարստացված ուրանի պաշարները ԱՄՆ-ին, ապա ամերիկացիներն իրենք կգնան դրանց հետևից։

«Ճիշտ պահին մենք կա՛մ կմտնենք այնտեղ (ուրանի հետևից – խմբ.), կա՛մ կստանանք այն։ Կարծում եմ՝ մենք, հավանաբար, կստանանք այն։ Բայց եթե մենք այն չստանանք, ապա մենք կմտնենք», - ասել է նա լրագրողներին։

Պեկինից վերադարձի ճանապարհին ինքնաթիռի բորտում մամուլի հետ նրա շփման ձայնագրությունը հրապարակել է Սպիտակ տունը։

Թրամփը վստահություն է հայտնել, որ նման գործողության իրականացման դեպքում այն բարդ չի լինի։

«Կարծում եմ՝ նրանք լիովին կջախջախվեն, և մենք ոչնչով չենք ռիսկի դիմի։ Մենք ունենք սարքավորումներ՝ այն (ուրանը – խմբ.) ձեռք բերելու համար», - ասել է նա։