«Սպասում ենք հրամանի». ԻՀՊԿ–ն պատրաստ է հարվածի

Իսլամական հեղափոխության պահապանների կորպուսը հայտարարել է իրանական տանկերների վրա նոր հարձակումների դեպքում ամերիկյան օբյեկտներին հարվածելու պատրաստակամության մասին։

ԻՀՊԿ-ն զգուշացրել է, որ ցանկացած պահի պատրաստ է հարված հասցնել ամերիկյան թիրախներին, եթե իրանական տանկերների դեմ նոր հարձակումներ իրականացվեն։ 

ԻՀՊԿ օդատիեզերական ուժերի հրամանատար, բրիգադային գեներալ Սարդար Մուսավին հայտարարել է, որ իրենց հրթիռներն ու անօդաչու թռչող սարքերն ուղղված են տարածաշրջանում գտնվող ամերիկյան օբյեկտներին ու թշնամու նավերին, և իրենք սպասում են կրակ բացելու հրամանին։ Հայտարարության մեջ հատուկ ընդգծվում է, որ իրանական տանկերների և առևտրային նավերի վրա կատարված ցանկացած հարձակում կհանգեցնի զանգվածային հարվածի տարածաշրջանում ամերիկյան օբյեկտների և թշնամու նավերի ուղղությամբ։