Եվրահանձնաժողովում լարվածություն է․ Politico-ն գրում է ներքին տարաձայնությունների մասին

Եվրահանձնաժողովի անդամների միջև հարաբերությունները շարունակում են լարված մնալ Ուրսուլա ֆոն դեր Լայենի երկրորդ պաշտոնավարման ժամկետի մեկնարկից ի վեր։ Այս մասին հայտնում է Politico-ն՝ հղում անելով իր աղբյուրներին։

Եվրոպացի անանուն պաշտոնյան նշել է, որ Եվրահանձնաժողովի քաղաքական կազմով պայմանավորված՝ տարաձայնություններ միշտ կլինեն։ Նրա խոսքով՝ հանձնաժողովի անդամների փոխհարաբերություններում «արմատական փոփոխություններ» տեղի չեն ունեցել։

Politico-ի տվյալներով՝ Եվրահանձնաժողովի ներսում հարաբերությունների բարելավումը քննարկվելու է օգոստոսի 28-ին նախատեսված հանդիպման ժամանակ, որը տեղի կունենա ֆոն դեր Լայենի՝ Եվրամիության իրավիճակի վերաբերյալ ելույթի կապակցությամբ։

Եվրոպական լրատվամիջոցներն ավելի վաղ ևս բազմիցս գրել էին Եվրահանձնաժողովի ներսում առկա տարաձայնությունների, մասնավորապես՝ Ուրսուլա ֆոն դեր Լայենի և ԵՄ արտաքին քաղաքականության պատասխանատու Կայա Կալասի միջև լարված հարաբերությունների մասին։