Նարիշկինը հաստատել է ԿՀՎ ղեկավարի հետ գաղտնի հանդիպումը Մոսկվայում

Ռուսաստանի արտաքին հետախուզության ծառայության տնօրեն Սերգեյ Նարիշկինը հաստատել է, որ Մոսկվայում հանդիպել է ԿՀՎ տնօրեն Ջոն Ռեթքլիֆի հետ։

Նարիշկինի խոսքով՝ ամերիկյան հետախուզության ղեկավարի այցը կապված է եղել երկու երկրների հատուկ ծառայությունների միջև շփումների հետ։ Բանակցությունների մանրամասները չեն հրապարակվում։

ՌԴ նախագահի մամուլի քարտուղար Դմիտրի Պեսկովն իր հերթին հայտնել է, որ Ռեթքլիֆի հանդիպումը ՌԴ նախագահ Վլադիմիր Պուտինի հետ նախատեսված չի եղել։

Ավելի վաղ հաղորդվել էր, որ Ռեթքլիֆը Մոսկվա է ժամանել Boeing C-17 Globemaster III ռազմատրանսպորտային ինքնաթիռով։ Սա ԿՀՎ տնօրենի պաշտոնում նրա առաջին այցն էր Ռուսաստան, թեև նախկինում նա շփումներ է ունեցել ռուս գործընկերների հետ։

Ռեթքլիֆի այցը տևել է ընդամենը մի քանի ժամ։ Մինչ նրա ժամանումը ամերիկյան կողմը տեղեկացրել էր Ուկրաինային Մոսկվա մեկնող բարձրաստիճան պատվիրակության մասին և, ըստ լրատվամիջոցների, խնդրել ժամանակավորապես դադարեցնել Ռուսաստանի տարածքին հասցվող հարվածները։