Քաղաքականություն

ՌԴ ԱԳՆ-ն գնահատել է Հայաստանի ներդրումը ԵԱՏՄ բյուջեում

ՌԴ ԱԳՆ-ն գնահատել է Հայաստանի ներդրումը ԵԱՏՄ բյուջեում
Եվրասիական տնտեսական միության ընդհանուր բյուջեում Հայաստանի ներդրումը կազմում է հինգ անդամ երկրների ընդհանուր մուտքերի ընդամենը 1%-ը։ Այս մասին ՌԻԱ Նովոստիին տված հարցազրույցում հայտարարել է ՌԴ ԱԳՆ…

Եվրասիական տնտեսական միության ընդհանուր բյուջեում Հայաստանի ներդրումը կազմում է հինգ անդամ երկրների ընդհանուր մուտքերի ընդամենը 1%-ը։ Այս մասին ՌԻԱ Նովոստիին տված հարցազրույցում հայտարարել է ՌԴ ԱԳՆ ԱՊՀ երկրների առաջին դեպարտամենտի տնօրեն Միքայել Աղասանդյանը։


Նրա խոսքով՝ անդամ պետությունների հատկացրած այդ միջոցներով ապահովվում է ԵԱՏՄ մարմինների գործունեությունը։


Աղասանդյանը նաև հայտարարել է, որ Հայաստանը ԵՄ-ին անդամակցելու նախապատրաստման հարցում խորհրդակցություններ չի անցկացնում ԵԱՏՄ իր գործընկերների հետ։


Ավելի վաղ վարչապետ Նիկոլ Փաշինյանը հայտարարել էր, որ Հայաստանը մոտ ապագայում կարող է սկսել Եվրամիությանն անդամակցելու պաշտոնական հայտի նախապատրաստումը։ Նրա խոսքով՝ հետագայում նախատեսվում է հանրաքվե անցկացնել ԵՄ-ին միանալու և ԵԱՏՄ-ից դուրս գալու հարցով։


Ռուսական կողմն իր հերթին բազմիցս հայտարարել է, որ ԵՄ և ԵԱՏՄ կարգավորումների միջև կան անհամատեղելիություններ և զգուշացրել Հայաստանի տնտեսության համար հնարավոր հետևանքների մասին։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8243) Միջազգային (3561) ԱՄՆ (2399) Ռուսաստան (2317) Իրան (1804) Ընտրություններ (1285) Ուկրաինա (943) Երևան (828) Իսրայել (771) Ադրբեջան (686) Փաշինյան (621) Եվրոպա (536) Ազգային ժողով (524) Ընդդիմություն (502) Թրամփ (463)

Radio Aurora

Լսել Radio Aurora

Գովազդային տարածք

300x250