Ռուսական զորքերը բոլոր ուղղություններով շարունակում են առաջխաղացումը․ Գերասիմով

Ռուսական զորքերի հարձակողական գործողությունները բոլոր ուղղություններով շարունակվում են՝ առանց տեմպերի նվազման։ Այս մասին հայտարարել է ՌԴ ԶՈւ գլխավոր շտաբի պետ Վալերի Գերասիմովը՝ «Հարավ» զորախմբի ստուգայցի ժամանակ։

Գերասիմովի պնդմամբ՝ ռուսական ստորաբաժանումները որոշ հատվածներում հաղթահարել են Սլավյանսկ-Կրամատորսկ ամրացված շրջանի պաշտպանության առաջին գիծը։ Մարտեր են ընթանում մի շարք բնակավայրերում, իսկ Ալեքսեևո-Դրուժկովկայի մոտ կեսը, ըստ նրա, գտնվում է ռուսական ուժերի վերահսկողության տակ։

Նա հայտարարել է, որ ռուսական ստորաբաժանումներին մոտ չորս կիլոմետր է բաժանում Սլավյանսկի արևելյան ծայրամասերից։ Մարտեր են ընթանում նաև Կրամատորսկից արևելք՝ քաղաքի օդանավակայանի շրջանում։

Գերասիմովի խոսքով՝ ռուսական ուժերը Դրուժկովկային մոտեցել են մոտ 1,5 կմ հեռավորության վրա, իսկ վերջին երկու ամսում այդ ուղղությամբ իրենց վերահսկողության տակ է անցել ավելի քան 100 քառակուսի կիլոմետր տարածք։

ՌԴ ԳՇ պետը նաև պնդել է, որ Կիևը Զապորոժիեի մարզում ուկրաինական ուժերի հաջող առաջխաղացման վերաբերյալ «ոչ հավաստի տեղեկություններ» է տարածում՝ փորձելով արևմտյան երկրներին համոզել իր զինված ուժերի արդյունավետության մեջ։