ՏԵՍԱՆՅՈՒԹ. Իսրայելը պայթեցնում է Լիբանանի սահմանամերձ բնակավայրերում գտնվող տները

Իսրայելական բանակը, խախտելով հրադադարի ռեժիմը, ականապատում և պայթեցնում է Լիբանանի հարավային սահմանի երկայնքով գտնվող տները։

Իսրայելի զինված ուժերն օգտվում են տասնօրյա հրադադարից և իրականացնում են սահմանամերձ գյուղերի բնակիչների տների ականապատում ու պայթեցում։ Այս մասին РИА Новости-ին հայտնել է արաբական երկրում գտնվող աղբյուրը։

Ըստ գործակալության զրուցակցի՝ իսրայելցի զինվորականները ականապատում են ամբողջական փողոցներ, որտեղ խաղաղ բնակչություն է ապրում։ Կիրակի օրը պայթեցումներ են իրականացվել Նակուրա և Բայդա բնակավայրերում, ինչպես նաև Բինտ Ջբեյլ քաղաքի հյուսիսային արվարձաններում։

Հրադադարի հաստատումից հետո ՑԱԽԱԼ-ը լիբանանցիներին հորդորել էր չմոտենալ սահմանամերձ գյուղերին։ Բեյրութի իշխանությունները ևս, անվտանգության նկատառումներից ելնելով, կոչ էին արել քաղաքացիներին չշտապել վերադառնալ իրենց տները։