Դոնալդ Թրամփը հայտարարություն է տարածել

ԱՄՆ նախագհ Դոնալդ Թրամփը հայտարարել է, որ Իրանը կատարել է հրադադարի պայմանավորվածության «լուրջ խախտում»։ Չնայած սրան, Թրամփը վստահություն է հայտնել, որ խաղաղության համաձայնագիրը վերջնականապես կկնքվի։

«Դա տեղի կունենա՝ կամ խաղաղ ճանապարհով, կամ ուժի օգնությամբ», — նրա խոսքերն է մեջբերում ABC News-ը։

Հիշեցնենք` ԱՄՆ–ն և Իսրայելը փետրվարի 28-ի առավոտյան հարվածներ են հասցրել Իրանին։ Սպանվել են երկրի գերագույն հոգևոր առաջնորդ այաթոլլա Ալի Խամենեին ու նրա կինը, Իրանի զինված ուժերի գլխավոր շտաբի պետ Աբդուլռահիմ Մուսավին, պաշտպանության նախարար Ազիզ Նասիրզադեն, Իսլամական հեղափոխության պահապանների կորպուսի (ԻՀՊԿ) հրամանատար Մոհամմադ Պակպուրը և Պաշտպանության խորհրդի քարտուղար Ալի Շամխանին: Հորմոզգան նահանգի Մինաբ քաղաքում աղջիկների համար նախատեսված «Շաջարե Թայեբե» տարրական դպրոցի ռմբակոծությունից զոհվել է 170 երեխա ու աշխատակից։ Երկրում 40-օրյա սուգ է հայտարարվել: