Արաբական երկրները խնդրանքով դիմել են Հարավային Կորեային

Սաուդյան Արաբիան, ԱՄԷ-ն և Կատարը Հարավային Կորեայի հետ քննարկում են հակաօդային պաշտպանության համակարգերի գնման հարցը։

Սաուդյան Արաբիայի, Արաբական Միացյալ Էմիրությունների և Կատարի իշխանությունները դիմել են Հարավային Կորեային՝ ՀՕՊ համակարգեր գնելու նպատակով։ Wall Street Journal-ի փոխանցմամբ՝ այս որոշումը կապված է ամերիկյան արտադրության զենիթային հրթիռների պաշարների էական նվազման հետ, ինչն արաբական երկրներին ստիպում է նոր մատակարարներ գտնել։

Ռազմական պաշարների կրճատումը հետևանք է Իրանի արձակած անօդաչու թռչող սարքերի ու հրթիռների դեմ իրականացված ակտիվ պաշտպանական գործողությունների։ Այս կացությունը ի հայտ է բերել Պարսից ծոցի պետությունների մեծ կախվածությունը ԱՄՆ-ից և սպառազինության համալրման հետ կապված հնարավոր խնդիրները։

Որպես ամերիկյան սպառազինությանն այլընտրանք՝ դիտարկվում են հարավկորեական «Cheongung-II» (M-SAM) համակարգերը։ Այս համակարգերը գրավիչ են համարվում արագ տեղակայման հնարավորության և տնտեսական մատչելիության շնորհիվ։ Հարավկորեական կողմի հետ ընթացող բանակցությունների նպատակը տարածաշրջանի օդային տարածքի կայուն պաշտպանությունն ապահովելն է։