ՏԵՍԱՆՅՈՒԹ. Հայաստանում արձանագրվել է ազնվացեղ եղջերուի առաջին ձագի ծնունդը բնության մեջ

Կենսաբազմազանության վերականգնումը Հայաստանում իրական արդյունք է տալիս։ Այդ մասին ֆեյսբուքյան իր էջում գրել է Շրջակա միջավայրի նախարար Համբարձում Մաթևոսյանը՝ կից հրապարակելով տեսանյութ։

«Համացանցում հայտնվել է հերթական տեսանյութը, որտեղ երևում է, թե ինչպես է «Կովկասյան ազնվացեղ եղջերուն» զբոսնում Լոռու անտառներում։ 2025 թվականին բնություն է բաց թողնվել 9 առանձնյակ։ Արդեն արձանագրվել է նաև բնության մեջ առաջին ձագի ծնունդը, ինչը վկայում է, որ իրականացվող աշխատանքները շոշափելի արդյունք են տալիս։

Այսօր ազատ պայմաններում ապրում է 18 առանձնյակ՝ հաստատելով, որ տեսակի վերականգնումը Հայաստանում իրականություն է դառնում»,- գրել է Շրջակա միջավայրի նախարար Համբարձում Մաթևոսյանը։