ՀՀ-ում հուղարկավորել են Երևանում սպանված չեչեն Այշատ Բայմուրադովային

ՀՀ-ում հուղարկավորել են Երևանում սպանված չեչեն Այշատ Բայմուրադովային, որի մարմինը մի քանի ամիս դիահերձարանում էր։ Այս մասին փոխանցում է «Սպուտնիկ Արմենիան»։

Հայաստանի օրենսդրությամբ՝ մարմինը կարող էին հանձնել միայն հարազատներին, սակայն նրանք հրաժարվել էին Այշատից և չէին պատասխանում հարցումներին։ Հայաստանի իշխանությունները, և մասնավորապես ԱԺ նախագահ Ալեն Սիմոնյանը, որը խոստացել էր զբաղվել այս հարցով, համաձայնել են վճարել հուղարկավորության ծախսերը, որպեսզի նրա մարմինը հանձնվի հողին։

Այշատի գերեզմանը գտնվում է գերեզմանատան առանձին հատվածում, որտեղ տապանաքարեր չկան։ 23-ամյա Այշատ Բայմուրադովան փախել էր Չեչնիայից և 2025 թվականի հոկտեմբերի 15-ին կորել էր Երևանում։

Նա գնացել էր ոմն Կարինա Իմինովայի հետ հանդիպման, իսկ մի քանի օր անց նրան մահացած էին գտել։ ՀՀ իրավապահները նրա սպանության մեջ կասկածում են Իմինովային և Չեչնիայում ծնված Սաիդ-Համզաաթ Բայսարովին։