Մենք դաշտ ենք մաքրել այլ քաղաքական ուժերի համար. Քոչարյան

Մենք փողոցային պայքարներ նախաձեռնելով մաշեցրել ենք այս իշխանությանը։ Մոտ 1,5 տարի առաջ սոցհարցումներով 60 տոկոսը չկողմնորոշված էին, հիմա՝ մոտ 25-30 տոկոսը։ Այսինքն մենք դաշտ ենք մաքրել այլ քաղաքական ուժերի համար՝ նույնիսկ որոշ չափով մաշեցնելով ինքներս մեզ, «Մեծ քաղաքականություն» փոդքասթի ժամանակ ասել է Ռոբերտ Քոչարյանը

«Լավ է, որ կան ուրիշները։ Առաջ ԱԺ մտնում էին 5-6 ուժ, ներկայիս 3-ը նորմալ չէ։ Մեր ջանքերը, փողոցային պայքարը լավ պայմաններ է ստեղծել իշխանափոխության համար՝ որոշ չափով մեր մաշեցման գնով։ Բոլորը գալիս են ծրագրերով, դրանք լավն են, սիրուն են ներկայացված։ Հիմնական հարցը՝ ով կարող է դա անել, մարդ, որը ապացուցել է, որ կարող է դա անել, ընդունակ է, քաղաքական թիմ, որը պայքարող է, թե լրիվ նոր մարդիկ, որոնք այդ ցանկությունն ունեն, բայց դեռ չունեն փորձ, պրակտիկ տեսանկյունից քաղաքական պայքարում չեն դրսևորվել։

Մենք պետք է դիրքավորվենք որպես ուժ և ես, որպես առաջնորդ, որն ընդունակ է, արել է մի երկու անգամ, ճգնաժամային իրավիճակում բավականին լուրջ հաջողությունների հասել է և կարող է անել 3-րդ անգամ։ Սա մեր մեսիջը պետք է լինի ընտրողներին»,- նշել է երկրորդ նախագահը: