Վենսը՝ գերիների և հայ-ադրբեջանական հարցերի շուրջ Բաքվում քննարկումների մասին

ԱՄՆ փոխնախագահի  Ջեյմս Դի Վենսի այցը Հայաստան ավարտվեց։ ԱՄՆ փոխնախագահը մեկնում է Բաքու։ Վենս պատասխանել է լրագրողների հարցերին։ Անդրադառնալով ԱՄՆ նախագահ Դոնալդ Թրամփի և ՀՀ վարչապետ Նիկոլ Փաշինյանի միջև ձեռք բերված համաձայնություններին, Վենսը նշել է․

«Բազմաթիվ ներդրումներ կգան Հայաստան Թրամփի և Փաշինյանի կնքած որոշ համաձայնությունների շնորհիվ։ Դրանցից մեկը տվյալների կենտրոնի ստեղծումն է, որ արդեն սկսվել է, և դա կարող է հասնել մինչև 4 միլիարդ ԱՄՆ դոլար ներդրումի։ Կստեղծվեն բազմաթիվ աշխատատեղեր»,- ասել է նա։

ԱՄՆ փոխնախագահը խոսել է նաև հայ-ադրբեջանական հարաբերությունների մասին՝ անդրադառնալով մասնավորապես գերիների թեմային։

«Մենք 2 երկրների հետ լավ հարաբերություններ ունենք։Բաքվում ձերբակալվածների մասին, անշուշտ, խոսք կլինի։ Մենք վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ լավ հարաբերություններ ունենք։ Տարբեր հարցեր կբարձրացվեն Բաքվում։ Կարծում եմ՝ հաջողությամբ կշարունակենք հայերի ու ադրբեջանցիների հետ աշխատանքը»,- հավելել է ԱՄՆ փոխնախագահի Ջեյմս Դի Վենսը։