Թուրքիան ցանկանում է Ադրբեջանի և Հայաստանի միջև վերջնական խաղաղության համաձայնագրի ստորագրում. Ֆիդան

Զանգեզուրի միջանցքը կարևոր է Ադրբեջանի և Նախիջևանի Ինքնավար Հանրապետության միջև կապ հաստատելու համար։ Այս մասին մամուլի ասուլիսում հայտարարել է Թուրքիայի արտգործնախարար Հաքան Ֆիդանը։

Նա հայտարարել է, որ Թուրքիան ցանկանում է Ադրբեջանի և Հայաստանի միջև վերջնական խաղաղության համաձայնագրի ստորագրում։

Արտգործնախարարը ընդգծել է, որ Թուրքիան մտադիր է կարգավորել հարաբերությունները Հայաստանի հետ.

«Եվ՛ Ադրբեջանը, և՛ Թուրքիան, ինչպես նաև Հայաստանը ունեն դրա համար անհրաժեշտ կամքը»։

Հաքան Ֆիդանը նշել է, որ ինքն ու Ադրբեջանի արտգործնախարար Ջեյհուն Բայրամովը քննարկել են Թրամփի TRIPP-ի իրականացման շրջանակային փաստաթուղթը։ Նա հավելել է, որ Թուրքիայի նախագահին նույնպես տեղեկացվել է շրջանակային փաստաթղթի մասին.

«ՀՀ արտգործնախարարի Վաշինգտոն կատարած այցի ընթացքում հրապարակվել է TRIPP շրջանակային փաստաթուղթը։ Մենք այս հարցի շուրջ երկժամյա քննարկում ենք անցկացրել իմ գործընկեր Ջեյհուն Բայրամովի հետ։ Ադրբեջանական կողմի հեռանկարները կարևոր են մեզ համար։ Նախագահ Էրդողանին նույնպես տեղեկացվել է այս մասին»,- ասել է Ֆիդանը: