Ուրիշ բաժնետերեր չպետք է լինեն ԹՐԻՓՓ-ի մեջ. Փաշինյան

Իմ դիրքորոշումն է, որ ուրիշ բաժնետերեր չպետք է լինեն ԹՐԻՓՓ-ի մեջ: Այդ մասին ճեպազրույցի ժամանակ ասել է վարչապետ Նիկոլ Փաշինյանը, փոխանցում է Լուրերը:

«Բայց ԹՐԻՓՓ-ը ինքը գնում-կպնում է ուրիշ ենթակառուցվածքների: Այնպես չէ, որ Հայաստանի և աշխարհի բոլոր ճանապարհներն ու երկաթուղիները ԹՐԻՓՓ-ի մաս են, և մյուսները խոսում ենք Տրանսկասպյան երկաթուղու մասին. այդտեղ բազմաթիվ երկաթուղիներ կան, գազամուղներ, նավթամուղներ, էլոկտրաէներգիայի արտահանում կա, արտադրություն կա, այդ բոլոր ենթակառուցվածքներում ամենատարբեր ներդրողներ կարող են մասնակցել:

Ռուսաստանի պարագայում այս փուլում խնդրում ենք մեր ռուսաստանցի գործընկերներին, որպեսզի հրատապության կարգով Ախուրիկի հատվածը, Երասխի հատվածը վերականգնեն, և նաև Իջևանի երկաթուղային ենթակառուցվածքը վերականգնվի: Խնդրում եմ արձանագրել, որ ԹՐԻՓՓ-ը ներդրումային ծրագիր է, շատ կարևոր, առանցքային, բայց ներդրումային ծրագիր է ՀՀ և ԱՄՆ-ի, բայց շատ շահառուներ հնարավորություն ունեն օգտվելու ծրագրից և մասնակցելու այդ ծրագրի իրականացման արդյունքում առաջացող հնարավորություննների օգտագործմանն ամենատարբեր ոլորտներում»,- նշել է  վարչապետը: