Կրեմլը համաձայն է Թրամփի հետ` Զելենսկին խոչընդոտում է Ուկրաինայում խաղաղության գործընթացին

Կրեմլը համաձայն է ԱՄՆ նախագահ Դոնալդ Թրամփի այն դիրքորոշման հետ, որ Ուկրաինայի նախագահ Վլադիմիր Զելենսկին խոչընդոտում է Ուկրաինայում խաղաղության գործընթացը։ Այս մասին ճեպազրույցի ժամանակ հայտարարել է Վլադիմիր Պուտինի մամուլի քարտուղար Դմիտրի Պեսկովը։

«Մենք կարող ենք համաձայնության գալ այս հարցում։ Դա իսկապես այդպես է։ Նախագահ Պուտինը և ռուսական կողմը պահպանում են իրենց դրքորոշումները», - ասել է Պեսկովը։

«Ռուսական կողմի դիրքորոշումը լավ հայտնի է և՛ ամերիկացի բանակցողներին, և՛ նախագահ Թրամփին։ Այն լավ հայտնի է նաև Կիևում։ Այս դիրքորոշումը հետևողական է», - ընդգծել է Ռուսաստանի առաջնորդի մամուլի քարտուղարը։