Կարմիր խաչը այցելել է Վիգեն Էուլջեքչյանին
Կարմիր խաչի ներկայացուցիչները մարդասիրական այց են կատարել Բաքվում ձերբակալված Վիգեն Էուլջեքչյանին։ Այս մասին հայտնել է նրա իրավաբանական ներկայացուցիչ Մարիա Լուսիանա Մինասյանը։
Նրա տեղեկացմամբ՝ Կարմիր խաչի աշխատակիցները բանտարկյալին տրամադրել են անհրաժեշտ մարդասիրական պարագաներ, այդ թվում՝ սնունդ, ծխախոտ և անձնական իրեր։
Նշվում է նաև, որ անցյալ շաբաթ Էուլջեքչյանին հնարավորություն է տրվել զանգահարել իր ընտանիքին, ինչը, ըստ հայտարարության, նրան ուրախացրել և խրախուսել է։ Միևնույն ժամանակ նշվում է, որ նրա առողջության և ընդհանուր վիճակի վերաբերյալ լուրջ մտահոգություններ կան։
