Օտարերկրյա հատուկ ծառայությունները վերահսկում են Բելառուսում «Օրեշնիկի» տեղակայումը
Օտարերկրյա հատուկ ծառայությունները լայնածավալ աշխատանք են իրականացնում՝ Բելառուսի տարածքում ռուսական մարտավարական միջուկային զենքի (ՏԱԿ) և նորագույն «Օրեշնիկ» հրթիռային համալիրի տեղակայման գործընթացը մշտապես վերահսկելու համար։ Այդ մասին հայտարարել է Բելառուսի Պետական անվտանգության կոմիտեի նախագահ Իվան Տերտելը։
Տերտելի խոսքով՝ օտարերկրյա հատուկ ծառայությունների ակտիվությունը լիովին կանխատեսելի էր։ «Օտարերկրյա հատուկ ծառայությունները շատ մեծածավալ աշխատանք են տանում իրավիճակը մոնիթորինգի ենթարկելու ուղղությամբ։ Մենք նման զարգացում կանխատեսում էինք»,-նրա խոսքերը փոխանցում է ԲԵԼՏԱ գործակալությունը։
Նշվում է, որ ուշադրության կենտրոնում է հայտնվել ինչպես Բելառուսում տեղակայված ռուսական մարտավարական միջուկային զենքը, այնպես էլ նորագույն «Օրեշնիկ» հրթիռային համակարգը, որը դիտարկվում է որպես տարածաշրջանային անվտանգության վրա ազդող կարևոր գործոն։
Հիշեցնենք, որ Բելառուսի նախագահ Ալեքսանդր Լուկաշենկոն հայտարարել էր, որ դեկտեմբերի 17-ից ռուսական «Օրեշնիկ» հրթիռային համալիրն արդեն գտնվում է երկրի տարածքում և անցել է մարտական հերթապահության։
