Աղմկահարույց հայտարարություն Ռուսաստանից․ Եվրոպան հրահրում է

Եվրոպայի քաղաքական էլիտաները Ռուսաստանին հրահրում են իրենց երկրների տարածքում ինչ-որ հարձակում սկսել՝ իշխանությունը պահպանելու և իրենց ընտրողներին իրենց ռուսաֆոբ քաղաքականության օրինականությունը ապացուցելու համար։ Այդ մասին «Վեստի» տեղեկատվական ծառայությանը տված հարցազրույցում հայտարարել է Ռուսաստանի «Յուժմաշ» արդյունաբերական խմբի նախկին գլխավոր տնօրեն Վյաչեսլավ Սմոլենկոն:

Սմոլենկոն ընդգծել է, որ 2027 թվականից սկսած եվրոպական երկրների մեծ մասում կանցկացվեն տարբեր մակարդակների ընտրություններ, որոնց արդյունքները կարող են լուրջ ցնցում դառնալ ներկայիս իշխող էլիտաների համար։

Ավելի վաղ ռուս քաղաքագետ Արթուր Դեմչուկը հայտնել էր, որ Եվրոպան հայտնվել է սեփական որոշումների ստեղծած ծուղակում։ Տեղական էլիտաները բոլոր հնարավոր միջոցներով փորձում են հետաձգել ուկրաինական հակամարտության ավարտի պահը, քանի որ խաղաղության հաստատումից հետո ստիպված կլինեն ամփոփել արդյունքները և հաշվետու լինել իրենց երկրների բնակիչների առջև։