Լավրովը Եվրոպային մեղադրել է ՌԴ-ի և ԱՄՆ-ի պայմանավորվածությունները խափանելու փորձերի մեջ

Ռուսաստանի արտաքին գործերի նախարար Սերգեյ Լավրովը հայտարարել է, որ եվրոպական երկրները փորձում են խափանել Ռուսաստանի և ԱՄՆ-ի միջև Ուկրաինայի կարգավորման շուրջ ձեռք բերված պայմանավորվածությունները։

«Մենք մեր գործընկերների հետ կիսվել ենք ուկրաինական ճգնաժամի շուրջ վերջին զարգացումների, ինչպես նաև եվրոպացիների հերթական քայլերի գնահատականներով, որոնց նպատակն է խափանել Ռուսաստանի Դաշնության և Միացյալ Նահանգների միջև առկա պայմանավորվածությունները», — Չադի արտաքին գործերի նախարար Աբդուլայե Սաբրե Ֆադուլի հետ բանակցություններից հետո կայացած մամուլի ասուլիսում հայտարարել է Լավրովը։

Նա նաև հիշեցրել է, որ Ռուսաստանի նախագահ Վլադիմիր Պուտինը բազմիցս ընդգծել է՝ եթե պայմանավորվածությունները չկատարվեն, Ռուսաստանը գիտի, թե ինչպես հասնել այն նպատակներին, որոնք հստակ ձևակերպվել էին 2024 թվականի հունիսին ՌԴ ԱԳՆ-ում ունեցած նրա ելույթում։