Հնարավոր չէ մեղադրանք առաջադրել մահացած անձին. փաստաբանը՝ նախկին ոստիկանապետի գործի մասին

 Փաստաբան Վահան Հովհաննիսյանն իր ֆեյսբուքյան էջում անդրադարձել է նախկին ոստիկանապետ Հայկ Հարությունյանին մարտի 1-ի գործով մեղադրանք առաջադրելու տեղեկատվությանը:

«Անձին մեղադրանք առաջադրելը դատավարական այն գործողությունն է, որն անմիջականորեն իրականացվում է քննիչի կողմից մեղադրյալի նկատմամբ: Սա դատավարական այն իրավահարաբեությունն է, որի պարտադիր կողմերը մեղադրյալը և քննիչն են և այն երբեք չի ծագում, երբ կողմերից մեկը չկա, հետևաբար հնարավոր չէ մեղադրանք առաջադրել մահացած անձին: 

Ցցուն վերնագրերով հոդվածներ տպելու մոլուցքով տարված ձեզ մի դրեք ծիծաղելի իրավիճակների մեջ:»,- գրել է փաստաբան Վահան Հովհաննիսյանն իր ֆեյսբուքյան էջում։

Հշեցնենք, որ այսօր դատախազը Մարտի 1-ի գործով մեղադրյալ՝ ոստիկանության նախկին պետի վերաբերյալ քրեական վարույթը վերադարձրել է նախաքննական մարմին՝ մեղադրական եզրակացությամբ ավարտելու համար: