18:00 Լուրերը մեկ տողով. 13-ամյա աղջկա մահվան մանրամասներ, Թուրքիայի կողմից միջազգային հետախուզում Նեթանյահույի նկատմամբ

Անցած ժամվա լուրերը՝ հակիրճ և բովանդակային.

•  Արարատի մարզի Քաղցրաշենում մահացած 13-ամյա աղջկա մոտ, ըստ համայնքի ղեկավարի, եղել են բարձր ջերմություն և գլխի հատվածի թարախային բորբոքային պրոցեսներ, իսկ էներգետիկների հետ կապը պաշտոնապես չի հաստատվել։ 

•   Ռուսաստանը հայտարարել է, որ ակնկալում է՝ Թուրքիան խիստ արձագանքի «Կապույտ հոսք» գազատարի ենթակառուցվածքների վրա իրականացված հարձակումներին և համապատասխան ուղերձ հղի Կիևին։ 

•  Թուրքիայի դատարանը «Սումուդ» նավատորմի գործով Բենիամին Նեթանյահուի նկատմամբ հայտարարել է միջազգային հետախուզում, իսկ դատախազությունը պահանջում է նրա ցմահ ազատազրկումը։ 

•  ԵՄ ավիացիոն անվտանգության գործակալությունը ավիաընկերություններին խորհուրդ է տվել մինչև հուլիսի 29-ը չթռչել մի շարք Մերձավորարևելյան երկրների օդային տարածքով՝ անվտանգության բարձր ռիսկերի պատճառով։ 

•  «SpaceX»-ը հաջողությամբ արձակել է «Falcon 9»-ը՝ ուղեծիր դուրս բերելով «Starlink»-ի ևս 29 արբանյակ և շարունակելով գլոբալ ինտերնետի ցանցի ընդլայնումը։ 

•  Ֆրանսիայի Ֆոնտենբլոյի մերձակայքում ավելի քան 2,000 հեկտար տարածք ընդգրկած անտառային հրդեհը տեղայնացվել է, սակայն դրա լիակատար մարումը կարող է տևել մի քանի շաբաթ։