Ռուսական բանակի հաջողությունները սպառնալիք են ՆԱՏՕ-ին. Վադեֆուլ
Գերմանիայի արտաքին գործերի նախարարը հայտարարել է, որ Ռուսաստանը կարող է հարձակվել ՆԱՏՕ-ի որևէ երկրի վրա Ուկրաինայի հետ պատերազմից հետո։
Գերմանիայի արտաքին գործերի նախարար Յոհան Վադեֆուլը հայտարարել է, որ Ուկրաինային աջակցելը մնում է եվրոպական մայրցամաքի անվտանգության հետ անմիջականորեն կապված խնդիր, հաղորդում է DW-ն։
Գերմանիայի արտաքին գործերի նախարարը հրաժարվել է գնահատել այն սցենարի հավանականությունը, որի դեպքում Կրեմլը կօգտագործի Ուկրաինայում հրադադարը՝ ՆԱՏՕ-ի տարածքին հարձակվելու համար։ «Ես կարող եմ միայն խորհուրդ տալ պատրաստ լինել նման սցենարի», - հավելել է նա։
«Եթե ռուսական բանակը կայուն ռազմական հաջողությունների հասնի Ուկրաինայում, «դա լուրջ սպառնալիք կլինի ՆԱՏՕ-ի համար»», - զգուշացրել է նախարարը։
