Ուկրաինական զորքերը դուրս են բերվել Սևերսկից
Ուկրաինայի զինված ուժերի գլխավոր շտաբի տվյալներով՝ ուկրաինական զորքերը դուրս են բերվել Սևերսկից։
«Մեր զինվորների կյանքը և մեր ստորաբաժանումների մարտունակությունը պահպանելու համար ուկրաինացի պաշտպանները դուրս են եկել քաղաքից։ Թշնամին կարողացել է առաջ շարժվել փոքր գրոհային խմբերի մշտական ճնշման շնորհիվ՝ դժվարին եղանակային պայմաններում», - ասվում է հայտարարության մեջ։
Զինվորական մարմինը հայտարարել է, որ քաղաքի շրջակայքում շարունակվում են ծանր մարտերը, և այն մնում է ուկրաինական ուժերի կրակի վերահսկողության տակ, մինչդեռ ռուսական բանակն ունի «զգալի առավելություն» կենդանի ուժի և տեխնիկայի առումով։
