SpaceX-ը արձակել է Starlink-ի ևս 29 արբանյակ

SpaceX-ը հուլիսի 14-ին հաջողությամբ արձակել է Falcon 9 հրթիռը՝ Starlink արբանյակային ինտերնետային համակարգի ևս 29 արբանյակով։ Այս մասին հայտնում է Spectrum News 13-ը։

Արձակումը կատարվել է ԱՄՆ Ֆլորիդա նահանգի Քեյփ Քանավերալ տիեզերակայանից։

Երկրորդ աստիճանից անջատվելուց հետո B1080 հրթիռի առաջին աստիճանը, որն արդեն կատարել էր 27 հաջող թռիչք, բարեհաջող վայրէջք է կատարել Ատլանտյան օվկիանոսում գտնվող A Shortfall of Gravitas ծովային հարթակի վրա։

Աստղագետ Ջոնաթան Մաքդաուելի տվյալներով՝ մինչև այս առաքելությունը Երկրի ցածր ուղեծրում գտնվել է Starlink-ի 10 799 արբանյակ, որոնցից 9 062-ը գործարկվող ուղեծրում էին։

Ավելի վաղ Space.com-ը, հղում անելով Մաքդաուելին, հայտնել էր, որ SpaceX-ը նախատեսում է Երկրի ցածր ուղեծիր դուրս բերել Starlink-ի երրորդ սերնդի շուրջ 100 հազար արբանյակ։