Քաղաքականություն

Թռիչքների նոր սահմանափակում. ԵՄ-ի կարևոր խորհուրդը ավիաընկերություններին

Թռիչքների նոր սահմանափակում. ԵՄ-ի կարևոր խորհուրդը ավիաընկերություններին
Եվրոպական ավիացիոն անվտանգության գործակալությունը (EASA) բոլոր ավիաընկերություններին խորհուրդ է տվել ժամանակավորապես դադարեցնել թռիչքները Բահրեյնի, Քուվեյթի, Կատարի և Արաբական Միացյալ Էմիրությունների…

Եվրոպական ավիացիոն անվտանգության գործակալությունը (EASA) բոլոր ավիաընկերություններին խորհուրդ է տվել ժամանակավորապես դադարեցնել թռիչքները Բահրեյնի, Քուվեյթի, Կատարի և Արաբական Միացյալ Էմիրությունների օդային տարածքով՝ Մերձավոր Արևելքում ռազմական գործողությունների վերսկսման պատճառով։


EASA-ի հայտարարության համաձայն՝ ավիաընկերություններին նաև խորհուրդ է տրվում չիրականացնել թռիչքներ Օմանի ծոցի՝ Մասկատի թռիչքային տեղեկատվության շրջանի ջրային տարածքի վրայով։


Գործակալությունը նշում է, որ Իրանի գործողությունները՝ ուղղված Հորմուզի նեղուցի նկատմամբ վերահսկողության հաստատմանը, առևտրային նավերի վրա հարձակումները և տարածաշրջանում ԱՄՆ-ի ռազմական գործողությունները բարձր ռիսկ են ստեղծում նշված օդային տարածքներով իրականացվող թռիչքների համար։


Խորհրդատվական այս հանձնարարականը կգործի մինչև հուլիսի 29-ը, սակայն անհրաժեշտության դեպքում դրա գործողության ժամկետը կարող է վերանայվել։


Հիշեցնենք, որ հուլիսի 14-ի գիշերը ԱՄՆ զինված ուժերը նոր հարվածներ են հասցրել Իրանի տարածքին։ Ի պատասխան՝ Իրանի Իսլամական հեղափոխության պահապանների կորպուսը (ԻՀՊԿ) հայտարարել է Բահրեյնում և Հորդանանում գտնվող ամերիկյան օբյեկտների ուղղությամբ իրականացված հարվածների մասին։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7310) Միջազգային (3204) ԱՄՆ (2274) Ռուսաստան (2072) Իրան (1731) Ընտրություններ (1270) Ուկրաինա (817) Երևան (793) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (432) Թրամփ (426) Ազգային ժողով (395)

Radio Aurora

Լսել Radio Aurora

Գովազդային տարածք

300x250