Հայտնի է Թուրքիայում ինքնաթիռի կործանման պատճառը

Անկարայից Տրիպոլի թռչող Falcon 50 մասնավոր ինքնաթիռը, որում գտնվել է Լիբիայի զինված ուժերի գլխավոր շտաբի պետ Մոհամմեդ Ալի ալ-Հադդադը, ինչպես նաև ևս հինգ անձ,  կործանվել է էլեկտրական համակարգի անսարքության պատճառով։ Այս մասին հաղորդում է APA-ն՝ հղում անելով թուրքական «Ալ Հադաթ» հեռուստաալիքի հայտարարության։

Հեռուստաալիքի աղբյուրների տվյալներով՝ հենց էլեկտրական համակարգի խափանումն է ստիպել անձնակազմին թռիչքից կարճ ժամանակ անց արտակարգ վայրէջք իրականացնել։

Նշվում է, որ միջադեպի վերաբերյալ լրացուցիչ մանրամասներ առայժմ հայտնի չեն։