Էդուարդ Սպերցյանը ճանաչվել է մրցաշրջանի առաջին կեսի «Կրասնոդարի» լավագույն խաղացող
Հայաստանի ազգային հավաքականի ավագ Էդուարդ Սպերցյանը ճանաչվել է 2025/2026 մրցաշրջանի առաջին հատվածի «Կրասնոդարի» լավագույն ֆուտբոլիստ։ Այս մասին հայտնում է ակումբի մամուլի ծառայությունը։
Սպերցյանը մրցաշրջանի առաջին հատվածի լավագույն խաղացողի մրցանակը ստացել է երկրպագուների քվեարկության արդյունքում։ Երկրորդ տեղը զբաղեցրել է կոլումբիացի հարձակվող Ջոն Կորդոբան, իսկ լավագույն եռյակը եզրափակում է դարպասապահ Ստանիսլավ Ագկացևը։
Ընթացիկ մրցաշրջանում 25-ամյա հայ կիսապաշտպանը Ռուսաստանի գործող չեմպիոնի կազմում մասնակցել է 25 հանդիպման՝ դառնալով 9 գոլի և 13 գոլային փոխանցման հեղինակ։
