Վենեսուելայում բանակը բերվել է մարտական պատրաստության․ Մադուրոն արձագանքել է Թրամփին
Վենեսուելայի նախագահ Նիկոլաս Մադուրոն հայտարարել է, որ երկրի զինված ուժերը բերվել են մարտական պատրաստության։ Այս մասին հայտնում է APA լրատվական գործակալությունը։
Նա հիշեցրել է, որ ԱՄՆ-ի սպառնալիքների արդյունքում արդեն հինգ ամիս շարունակ իրականացվում են «Անկախություն-200» անվանումով լայնածավալ զորավարժություններ, որոնցում ներգրավված են նաև ոստիկանական ստորաբաժանումներ։
Մադուրոն քննադատել է Վաշինգտոնի քայլերը Վենեսուելայի նկատմամբ՝ դրանք գնահատելով որպես երկրների ինքնիշխանության վրա անընդունելի ճնշում։
Հիշեցնենք՝ ավելի վաղ հայտնել էինք, որ ԱՄՆ նախագահ Դոնալդ Թրամփը հայտարարել է, որ թմրանյութերի ապօրինի շրջանառության դեմ պայքարի շրջանակում ամերիկյան զինված ուժերը շուտով կհարվածեն Լատինական Ամերիկայում գտնվող ցամաքային թիրախներին։
