Փոխզիջումային տարբերակ չկա․ Թրամփին Պուտինիի կողմից կարևոր քաղաքական ազդանշաններ կփոխանցեն․ Ուշակով

Ռուսաստանի նախագահի օգնական Յուրի Ուշակովը օգտակար և կառուցողական է որակել Վլադիմիր Պուտինի և Սթիվ Ուիթքոֆի բանակցությունները։ Նրա խոսքով՝ քննարկվել է ավելի վաղ Մոսկվային փոխանցված փաստաթղթերի բովանդակությունը։

«Կոնկրետ ձևակերպումներ չենք դիտարկել, անդրադարձել ենք առաջարկների էությանը։ Նախագահ Պուտինը որոշ կետեր քննադատել է, սակայն կողմերը պայմանավորվել են շարունակել համատեղ աշխատանքը»,– նշել է Ուշակովը։

Նա ասել է, որ խոսվել է տարածքների թեմայի մասին, առանց որի Մոսկվան չի տեսնում ճգնաժամի կարգավորումը։

«Տարածքների հարցով փոխզիջումային տարբերակ դեռ չկա։ Այնուամենայնիվ, ամերիկյան առաջարկներից մի քանիսը, կարծես, ընդունելի են թվում։ Բայց դրանք պետք է քննարկվեն։ Որոշ ձևակերպումներ անընդունելի են։ Մեր ամերիկացի գործընկերները Դոնալդ Թրամփին կփոխանցեն Վլադիմիր Պուտինի ողջույնները և մի շարք կարևոր քաղաքական ազդանշաններ»,– ընդգծել է ԱՄՆ նախագահի օգնականը։