Լավատեսության պատճառներ չկան․ Լավրովը՝ ԵԱՀԿ-ի փլուզման մասին

Եվրոպայում անվտանգության և համագործակցության կազմակերպության (ԵԱՀԿ) հետ կապված լավատեսության հիմքեր չկան, սակայն դեռ պահպանվում է հնարավորություն խուսափելու կազմակերպության փլուզումից։  Այս մասին հայտարարել է Ռուսաստանի արտաքին գործերի նախարար Սերգեյ Լավրովը, փոխանցում է «ՏԱՍՍ»-ը։

«Ընդգծում եմ՝ լավատեսության պատճառներ չկան։ Թունելի վերջում լույս չկա։ Սակայն կա հնարավորություն խուսափելու ԵԱՀԿ-ի փլուզումից՝ գոնե առայժմ»,– նշել է Լավրովը։

Նրա խոսքով՝ դրա համար անհրաժեշտ է, որ ԵԱՀԿ-ի բոլոր անդամները վերադառնան Հելսինկյան սկզբունքներին՝ հավասարության և փոխադարձ հարգանքի վրա հիմնված երկխոսությանը։

Հիշեցնենք, որ դեկտեմբերի 1-ին ԵԱՀԿ-ն պաշտոնապես հայտարարել է Մինսկի գործընթացի և դրա հետ կապված կառույցների փակման մասին։